„ხალხის ძალის“ აღმასრულებელი მდივანი, დეპუტატი გურამ მაჭარაშვილი „რადიო თავისუფლების“ მიერ, შვეიცარიელ დიპლომატთან, ჰაიდი ტალიავინთან 9 აგვისტოს გამოქვეყნებულ ინტერვიუს, სადაც ჰაიდი ტალიავინი ამბობს, რომ აგვისტოს ომთან დაკავშირებით საქართველოს ყოფილი ხელისუფლების მიმართ კითხვები უნდა დაისვას, მედიასთან გამოეხმაურა.
გურამ მაჭარაშვილის განცხადებით, ტალიავინმა კიდევ ერთხელ დაადასტურა, რომ 2008 წლის აგვისტოში სამართლებრივი საფუძველი შეუქმნეს რუსეთს საქართველოში შემოსვლისთვის.
„ტალიავინმა დაადასტურა ის, რაც ფაქტი და მოცემულობაა. რაც 16 წლის წინ იყო, ახლა ხომ ვერ შეიცვლებოდა? რაც თავად „ნაცმოძრაობის“ რეჟიმმა დაადასტურა რეზოლუციაში, იმას როგორ შეცვლი?“
ამ ინტერვიუში ტალიავინმა კიდევ ერთხელ დაადასტურა, რომ 2008 წლის აგვისტოში სამართლებრივი საფუძველი შეუქმნეს რუსეთის ფედერაციას საქართველოში შემოსვლისთვის. ამას რეზოლუციაში შავით თეთრზე წაიკითხავს ნებისმიერი მოქალაქე.“ – განაცხადა გურამ მაჭარაშვილმა.
„აგვისტოს ომზე დასკვნის მომზადება ტალიავინს ევროკავშირმა დაუკვეთა და შვეიცარიელი დიპლომატი ომთან დაკავშირებულ მტკიცებულებებს სწორედ ამ უმაღლესი მანდატით აგროვებდა. აღნიშნულ მტკიცებულებებზე დაფუძნებულ ერთიან დასკვნას დაეთანხმნენ როგორც რუსეთი, ისე საქართველოს მაშინდელი ხელისუფლება, რითაც დასკვნაში მოცემული ფაქტების უტყუარობა ორივე მხარემ დაადასტურა“, – ამის შესახებ „ქართული ოცნების” პოლიტიკური საბჭოს მიერ გავრცელებულ განცხადებაშია ნათქვამი.