მაიმუნის ჩუტყვავილის გავრცელების გამო აფრიკაში საგანგებო მდგომარეობა გამოაცხადეს.
„ბიბისის“ ცნობით, აფრიკის დაავადებათა კონტროლისა და პრევენციის ცენტრის სპეციალისტებმა განაცხადეს, რომ ისინი შეშფოთებულები არიან დაავადების გავრცელების ტემპით.
წლის დასაწყისიდან დღემდე კონგოს დემოკრატიულ რესპუბლიკაში მაიმუნის ჩუტყვავილის ახალი შტამის 13 000-ზე მეტი შემთხვევა დაფიქსირდა. დაიღუპა 450 ადამიანი.
ვირუსი ასევე გავრცელდა აფრიკის სხვა სახელმწიფოებში, მათ შორის ბურუნდიში, ცენტრალური აფრიკის რესპუბლიკაში, კენიასა და რუანდაში.
ცნობისთვის, 29 ივლისს ევროპის დაავადებათა კონტროლის ცენტრში განაცხადეს, რომ ჩუტყვავილის ახალი შტამის ევროპაში გავრცელების საფრთხე ძალიან დაბალია.
კომენტარები