პალესტინის ადმინისტრაციის ლიდერი მაჰმუდ აბასი ხვალ თურქეთის პარლამენტს საგანგებო სხდომაზე სიტყვით მიმართავს, – ამის შესახებ „ანადოლუ“ წერს. სიტყვით გამოსვლისას აბასი ყურადღებას გაამახვილებს პალესტინის ტერიტორიებზე ისრაელის თავდასხმებზე, განსაკუთრებით, ღაზის სექტორში.
როგორც „ანადოლუ“ წერს, სხდომას დაესწრება თურქეთის პრეზიდენტი რეჯეფ თაიფ ერდოღანი, რომელიც მხარდაჭერას გამოუცხადებს პალესტინას.
სიტყვით გამოსვლამდე პალესტინის ადმინისტრაციის ლიდერი შეხვდება თურქეთის პრეზიდენტს, რეჯეფ თაიფ ერდოღანსა და პარლამენტის თავმჯდომარეს, ნუმან ქურთულმუსს. ქურთულმუსის თქმით, რიგგარეშე სესიის მიზანია, აჩვენოს თურქეთის მტკიცე მხარდაჭერა პალესტინელი ხალხის მიმართ და უზრუნველყოს, რომ პალესტინელი ხალხის ხმა მსოფლიომ გაიგოს.
კომენტარები