უკრაინის პრეზიდენტმა, ვოლოდიმირ ზელენსკიმ მოკავშირეებს უკრაინისათვის რაკეტების მიწოდებისკენ მოუწოდა. ინფორმაციას ამის შესახებ ტელეკომპანია CNN-ი ავრცელებს.
ზელენსკიმ შეაქო უკრაინის სამხედროები რუსეთის აეროდრომებზე „ზუსტი, დროული და ეფექტური“ დარტყმების განხორციელებისთვის.
უკრაინამ ომის დაწყების შემდეგ რუსეთის აეროდრომებზე ყველაზე დიდი თავდასხმა განახორციელა. უკრაინული დრონების სამიზნე ოთხი რუსული აეროდრომი იყო.
„ჩვენ გვჭირდება სხვა იარაღი – სარაკეტო იარაღი. ჩვენ ვაგრძელებთ ჩვენს პარტნიორებთან მუშაობას უკრაინისათვის შორ მანძილზე მოქმედ რაკეტებთან დაკავშირებით გადაწყვეტილებებზე“, – აღნიშნა ვოლოდიმირ ზელენსკიმ.
კომენტარები