რუსეთის ფედერაციამ უკრაინაში შეჭრიდან, ანუ 2022 წლის 24 თებერვლიდან დღემდე 600 ათასზე მეტი ჯარისკაცი დაკარგა, იუწყება უკრაინის შეიარაღებული ძალების გენერალური შტაბი.
უკრაინული მხარის ცნობით, 600 ათასი ჯარისკაციდან ნაწილი მოკლულია, ხოლო ნაწილი – დაჭრილი. მხოლოდ გასული დღე ღამის განმავლობაში უკრაინამ 1 ათასზე მეტი რუსი ჯარისკაცი მოკლა.
ამავე პერიოდში რუსეთის შეიარაღებულმა ძალებმა 8,5 ათასზე მეტი ტანკი, თითქმის 17 ათასი ჯავშანმანქანა, 17 ათასზე მეტი საარტილერიო სისტემა , 1,1 ათასზე მეტი ზალპური ცეცხლის რეაქტიული სისტემა, 925 ჰაერსაწინააღმდეგო საშუალება დაკარგეს.
გარდა ამისა, უკრაინამ ომის პერიოდში რუსეთის 367 თვითმფრინავი, 328 ვერტმფრენი, თითქმის 14 ათასი უპილოტო საფრენი აპარატი, 2,4 ათასზე მეტი ფრთოსანი რაკეტა, 28 გემი და კატარღა, 1 წყალქვეშა ნავი, 23 ათასზე მეტი ავტოცისტერნა და 2,8 ათასზე მეტი სპეციალური ტექნიკა გაანადგურა.