“რაც მეტს ილაპარაკებს ნათია მეზვრიშვილი, მით უფრო დამტკიცდება, რომ გახარიას პარტიაც არის კოლექტიური “ნაცმოძრაობის” განუყოფელი ნაწილი”, – ამის შესახებ “ხალხის ძალის” წევრმა, გურამ მაჭარაშვილმა პარტია “საქართველოსთვის” წევრის, ნათია მეზვრიშვილის მიერ პარლამენტის თავმჯდომარის, შალვა პაპუაშვილის წინააღმდეგ სისხლის სამართლის საქმის აღძვრასთან დაკავშირებით საუბრისას აღნიშნა.
“ნაცვლად იმისა, რომ წინასაარჩევნოდ განსხვავებული პლატფორმა შესთავაზოს საზოგადოებას, გაიხსენა ძველი, ნაცების მეთოდები და ამით, პრაქტიკულად, ამხილა გახარია, რომ ის არის “ნაცმოძრაობის” შემადგენელი ნაწილი. პრინციპში, შეიძლება “კატამ თხარა თხარას” პრინციპით, ამ დაბრალებებით პაპუაშვილს ვერაფერს დაუმტკიცებს, მაგრამ თავისი პარტიის თავმჯდომარე გახარიასთან კი, შეიძლება, მართლა მივიდეს ამ პასუხისმგებლობებით”, – აღნიშნა მაჭარაშვილმა.