“მნიშვნელოვანი არის, რომ 26 ოქტომბერს მოქალაქეებმა არჩევანი გააკეთონ ომსა და მშვიდობას შორის”

მნიშვნელოვანი არის, რომ 26 ოქტომბერს მოქალაქეებმა არჩევანი გააკეთონ ომსა და მშვიდობას შორის, – აცხადებს გიორგი ჩაკვეტაძე. განათლების, მეცნიერებისა და ახალგაზრდულ საქმეთა კომიტეტის თავმჯდომარის პირველი მოადგილე კოლექტიური „ნაცმოძრაობის“ აკრძალვის მნიშვნელობაზე ამახვილებს ყურადღებას.

„ასევე მნიშვნელოვანია ის, რასაც ჩვენ რეგიონული შეხვედრების დროს ვაჟღერებთ – კოლექტიური „ნაცმოძრაობის“ აკრძალვა. მათ არ უნდა ჰქონდეთ იმის საშუალება, რომ წინა წლების განმავლობაში ჩადენილი დანაშაულების შემდეგ საარჩევნო კამპანია ჩაატარონ, საზოგადოება კიდევ ერთხელ მოატყუონ. ზუსტად ამას ემსახურება პარტიის მხრიდან გაჟღერებული გზავნილები“, – აცხადებს ჩაკვეტაძე.