ფილიპინებმა ტერიტორიული თავდაცვის გაძლიერების მიზნით 40 ახალი მრავალფუნქციური მოიერიშე თვითმფრინავის შეძენაზე ტენდერი გამოაცხადა. ინფორმაციას Reuters-ი ავრცელებს.
როგორც ქვეყნის თავდაცვის მინისტრმა ჟილბერტო თეოდორომ საკანონმდებლო ორგანოში მოსმენისას განაცხადა, ტენდერში მონაწილე კომპანიებმა შეძენისთვის საჭირო ზუსტი თანხა უნდა დაასახელონ, რომლის გადახდა ეტაპობრივად მოხდება.
მას არ დაუკონკრეტებია, რომელი ტიპის თვითმფრინავების შეძენა სურს. უცნობია პოტენციური მიმწოდებლების სახელებიც. ისიც არაა ცნობილი, თუ რა ვადებში სურს ქვეყანას თვითმფრინავების შეძენა.
სააგენტოს ცნობით, ფილიპინები, რომელიც აშშ-ის კოლონია იყო, საკუთარი სამხედრო პოტენციალის მოდერნიზებას ცდილობს. დღესდღეობით ქვეყნის სამხედრო-საჰაერო ძალებს ძალიან ცოტა თვითმფრინავი აქვს.
კომენტარები