ქართველ ხალხს სჭირდება მშვიდობა, სჭირდება პირობები იმისთვის, რომ რაც შეიძლება სწრაფი ტემპით განვითარდეს და ამას დღეს უზრუნველყოფს ხელისუფლება, – განაცხადა ჯანდაცვის მინისტრმა, მიხეილ სარჯველაძემ.
„ყველაზე ნაკლებად, რაც დღეს ჩვენს ქვეყანას სჭირდება ეს არის დესტაბილიზაცია, არეულობა, რაღაცის გაფუჭება მარტო იმიტომ, რომ რომელიმე პოლიტიკურმა ჯგუფმა შეძლოს გავლენის მოპოვება ქვეყანაში. არადა ეს ყველაზე ნაკლებად უნდა ქართველ ხალხს“, – აღნიშნა მიხეილ სარჯველაძემ.
ყვარელში, არასამთავრობო ორგანიზაცია „ყვარლის ევროკლუბის“ ოფისში 14 აგვისტოს გამართული შეხვედრის დეტალები ხდება ცნობილი. „ქრონიკის“ ინფორმაციით, ამ შეხვედრაზე ძირითადად საუბრობდა ეკა გიგაური, რომელმაც აღნიშნა, რომ საპარლამენტო არჩევნებს მოიგებს „ქართული ოცნება“ და ოპოზიციურ პარტიებს გამარჯვების შანსი არ აქვთ, შესაბამისად მისი მიზანია, სხვა არასამთავრობო ორგანიზაციებთან ერთად მოახდინოს ახალგაზრდების ორგანიზება, როგორც არჩევნების მიმდინარეობისას, ასევე დასრულების შემდეგ საპროტესტო აქციების მიზნით.