სლოვაკეთის პრეზიდენტმა პეტერ პელეგრინიმ, პრემიერ-მინისტრმა რობერტ ფიცომ და საკანონმდებლო ორგანოს ვიცე-სპიკერმა პიტერ ზიგამ ერთობლივ მემორანდუმს მოაწერეს ხელი, რომლის თანახმადაც ქვეყანა საგარეო ინტერესებს საკუთარი სუვერენიტეტის დაცვით გაატარებს და ამავდროულად ევროკავშირისა და ნატოს წევრად დარჩება. ინფორმაციას სლოვაკური მედია ავრცელებს.
„სლოვაკეთს სურს დარჩეს ევროკავშირისა და ნატოს მოქმედ წევრად, მისი უფლებების სრული გაცნობიერებით, თუმცა ჩვენ გვსურს ამ ორგანიზაციების ამაყი წევრები ვიყოთ“, – თქვა სლოვაკეთის პრეზიდენტმა მემორანდუმის ხელმოწერის შემდეგ.
„მოდით, უცხოეთში სუვერენული ხმით საუბრისა ნუ შეგვეშინდება, იმიტომ რომ ისეთ პატარა სახელმწიფოსაც კი, როგორიცაა სლოვაკეთი, აქვს უფლება საკუთარი ხალხის ინტერესები გაატაროს საზღვარგარეთ“, – დასძინა პელეგრინიმ.