უკრაინის ვიცე-პრემიერმა და დროებით ოკუპირებული ტერიტორიების რეინტეგრაციის საკითხებში მინისტრმა, ირინა ვერეშჩუკმა თანამდებობიდან გადადგომის შესახებ განცხადება დაწერა.
„გადატვირთვა. მთავრობაში თითქმის სამი წლის შემდეგ, დღეს თანამდებობიდან გადადგომ. მადლობა პრეზიდენტს ნდობისთვის! მადლობა პრემიერ-მინისტრსა და მთავრობის წევრებს თანამშრომლობისთვის! მადლობა სახალხო დეპუტატებს მხარდაჭერისთვის!“ – განაცხადა ვერეშჩუკმა.
მანამდე ევროპულ და ევროატლანტიკურ სტრუქტურებში ინტეგრაციის საკითხებში უკრაინის ვიცე-პრემიერმა, ოლგა სტეფანიშინამ თანამდებობიდან გადადგომის შესახებ განცხადება დაწერა.
გარდა ამისა, უკრაინის მთავრობის სამმა მინისტრმა – უკრაინის სტრატეგიული მრეწველობის მინისტრი, ალექსანდრე კამიშინი; უკრაინის იუსტიციის მინისტრი, დენის მალიუსკა; უკრაინის გარემოს დაცვისა და ბუნებრივი რესურსების მინისტრი, რუსლან სტრელეცი – ასევე დაწერა განცხადება თანამდებობიდან გადადგომის შესახებ.
უკრაინის პარლამენტის სპიკერის თქმით, ყველა განცხადება პარლამენტის ერთ-ერთ მომდევნო პლენარულ სხდომაზე განიხილება.