პოლტავაში რუსეთის სარაკეტო დარტყმის შედეგად დაღუპულთა რაოდენობა 51-მდე გაიზარდა. დაშავდა 271 ადამიანი.
ოფიციალური კიევის ინფორმაციით, ბალისტიკური რაკეტით დარტყმა კავშირგაბმულობის სამხედრო ინსტიტუტისა და საავადმყოფოს შენობებზე განხორციელდა. დარტყმის დროს ინსტიტუტში სასწავლო პროცესი მიმდინარეობდა.
იერიშის შედეგად შენობის ნაწილი ჩამოინგრა. ადგილობრივი ხელისუფლების ინფორმაციით, ნანგრევებში, შესაძლოა, 15-მდე ადამიანი იყოს მოყოლილი. ადგილზე სამძებრო-სამაშველო სამუშაოები გრძელდება.
პოლტავის ოლქში სამდღიანი გლოვა გამოცხადდა.
კომენტარები