ინდოეთში, უტარ-პრადეშის შტატის ჯანდაცვის დეპარტამენტის დირექტორის მოადგილე დაიხრჩო, რადგან მყვინთავები მისი გადარჩენისთვის თანხას ითხოვდნენ.
ადგილობრივი მედიის ცნობით, 45 წლის ადიტია ვარდჰან სინგჰი მეგობრებთან ერთად მდინარეზე ნავით გავიდა და მალევე, ფოტოს გადაღების მიზნით ბანაობისთვის განკუთვნილი ზონის ფარგლებს გასცდა. კაცი დინებამ გაიტაცა.
სინგჰის მეგობრები აცხადებენ, რომ დახმარებისთვის მყვინთავებს მიმართებს, თუმცა მათ კაცის გადარჩენისთვის 10 ათასი რუპია (320 ლარი) მოითხოვეს. მეგობრებს ნაღდი ფული თან არ ჰქონდათ, ამიტომ მყვინთავები ადგილიდან არ დაძრულან, სანამ თანხა ონლაინ არ ჩაერიცხათ.
სინგჰის ცხედარს ამ დრომდე ეძებენ, მყვინთავები კი აცხადებენ, რომ თანხა ნავში საწვავის ჩასასხმელად სჭირდებოდათ.
კომენტარები