დასავლელი ოფიციალური პირები არ მიიჩნევენ, რომ გამარჯვების გეგმა, რომელიც უკრაინის პრეზიდენტმა მიმდინარე კვირაში უნდა წარადგინოს, რუსეთთან კონფლიქტში გარღვევას გამოიწვევს. ინფორმაციას ამის შესახებ სააგენტო Bloomberg-ი ავრცელებს.
სააგენტო Bloomberg-ის ერთ-ერთი წყარო აცხადებს, რომ უკრაინის პრეზიდენტის გამარჯვების გეგმაში რეალური სიურპრიზები არ არის და ის სერიოზულად არ შეცვლის სიტუაციას.
კიდევ ერთმა დასავლელმა ოფიციალურმა პირმა ზელენსკის გეგმას „სურვილების სია“ უწოდა.
„გეგმის ნეგატიური შეფასება ხაზს უსვამს პესიმიზმის გაღრმავებას მოკავშირე ქვეყნებს შორის მაშინ, როდესაც ომი მესამე წელია გრძელდება. მოკავშირეები ასევე შიშობენ, რომ უკრაინის მხარდაჭერა შეიძლება შესუსტდეს, თუ დონალდ ტრამპი თეთრ სახლში დაბრუნდება“, – ნათქვამია სტატიაში.
გამოცემის თანამოსაუბრეები ვარაუდობენ, რომ დადგა დრო კონტაქტების ახალი რაუნდისთვის „პუტინთან, ან ზელენსკისთან ან სხვა ქვეყნებთან“.
„დასავლეთის ქვეყნები ასევე შეშფოთებულნი არიან საკუთარი უსაფრთხოების გამო, რადგან რუსეთი აგრძელებს იარაღის წარმოებას, რომელიც შეიძლება გამოყენებული იყოს უკრაინის ფარგლებს გარეთ“, – აღნიშნულია სტატიაში.