აშშ-მა კატარი უვიზო მიმოსვლის პროგრამაში შეიყვანა. ინფორმაციას ამის შესახებ სააგენტო Reuters-ი ავრცელებს.
არაუგვიანეს 1-ლი დეკემბრისა კატარის მოქალაქეები აშშ-ში 90 დღის განმავლობაში უვიზოდ ყოფნას შეძლებენ.
კატარი სპარსეთის ყურის პირველი ქვეყანაა, რომელიც აშშ-ის უვიზო მიმოსვლის პროგრამაში მოხვდა.
„კატარის მიერ უსაფრთხოების მკაცრი მოთხოვნების შესრულება, რათა შეუერთდეს უვიზო პროგრამას, გააღრმავებს ჩვენს სტრატეგიულ პარტნიორობას და გააძლიერებს ხალხის ნაკადსა და ვაჭრობას ჩვენს ორ ქვეყანას შორის“, – განაცხადა სახელმწიფო მდივანმა, ენტონი ბლინკენმა.
კომენტარები