2012 წლის ის დღე რომ გათენდა, როდესაც ეს უბედურება მოვიშორეთ, მადლობა ყველა ბიზნესმენის სახელით ბიძინა ივანიშვილს და „ქართულ ოცნებას“, რომ დაამშვიდა და დააწყნარა ქვეყანა, სტაბილური გახადა, – განაცხადა ბიზნესმენმა ნოშრევან ნამორაძემ გადაცემაში „იმედი LIVE“.
წამყვანმა მას ჰკითხა, რას ფიქრობს იმ ფაქტთან დაკავშირებით, რომ ხელისუფლება აპირებს „ნაციონალური მოძრაობის“ გასამართლების საკითხი დააყენოს.
„მანამდე იყო ეს [„ნაციონალური მოძრაობა“ გასასამართლებელი] გასაკეთებელი. სჯობს გვიან, ვიდრე არასდროს, მაგრამ ესენი [„ნაციონალური მოძრაობა“] პირველ წლებში ისე იყვნენ, რასაც თვითონ იკადრებდნენ, ეგონათ, რომ იმავეს აკადრებდნენ მათ. 2012 წლის ის დღე რომ გათენდა, როდესაც ეს უბედურება მოვიშორეთ, მადლობა ყველა ბიზნესმენის სახელით ბიძინა ივანიშვილს და „ქართულ ოცნებას“, რომ დაამშვიდა და დააწყნარა ქვეყანა, სტაბილური გახადა. 12 წელი ომი არ ყოფილა, გარშემო იწვის ყველაფერი, ყველა ქვეყანა ალშია გახვეული, ჩვენ ვართ სადღაც შუაგულში, სადაც არის სიწყნარე და სიმშვიდე. მადლიერები ყოველთვის ვიქნებით ბატონი ბიძინასი და „ქართული ოცნების“, – აღნიშნა ნამორაძემ.