იემენელმა „ჰუსიტებმა“ განაცხადეს, რომ მათ ისრაელზე საჰაერო იერიში მიიტანეს, რის შედეგადაც ქალაქები აშკელონი და თელ-ავივი დაბომბეს. ინფორმაციას Reuters-ი ავრცელებს.
როგორც „ჰუსიტები“ იუწყებიან, მათ ეს ღაზის სექტორისა და ლიბანის მხარდასაჭერად გააკეთეს. საჰაერო იერიშის დროს ისრაელის ქალაქების მიმართულებით როგორც რაკეტები, ისე დრონები გაუშვეს.
„ჰუსიტების“ სპიკერის იაჰია სარეას განცხადებით, მათი ოპერაცია არ შეჩერდება მანამ, სანამ ისრაელი არ შეწყვეტს სამხედრო მოქმედებებს ღაზასა და ლიბანში.
„ჩვენი სამხედრო ოპერაციების რიცხვი ისრაელის წინააღმდეგ, რომელმაც პალესტინასა და ლიბანში ჩვენი ძმების სისხლი დაღვარა, გაიზრდება“, – ციტირებს სააგენტო სარეას.
ისრაელის არმია, თავის მხრივ, აცხადებს, რომ იემენიდან გაშვებული ერთი რაკეტა ჩამოაგდო.
კომენტარები