სომალიში მომხდარ აფეთქებებს, სულ მცირე, ექვსი ადამიანი ემსხვერპლა, ხოლო ათი დაშავდა.
აფეთქებები სომალის დედაქალაქ მოგადიშუსა და ქვეყნის სამხრეთით მდებარე, შუა შაბელეს რეგიონის ერთ-ერთ ქალაქში განხორციელდა. ამის შესახებ ინფორმაციას ოფიციალური პირები ავრცელებენ.
ჯერჯერობით უცნობია, ვინ განახორციელა თავდასხმები, თუმცა როგორც ცნობილია, რადიკალური ისლამისტური დაჯგუფება „ალ-შაბააბი“ ხშირად ახორციელებს აფეთქებებსა და შეიარაღებულ თავდასხმებს სომალის ტერიტორიაზე.
მოგადიშუში მომხდარი აფეთქება ეროვნული თეატრის მახლობლად გაჩერებულმა ბომბით აღჭურვილმა მანქანამ გამოიწვია. ეროვნული თეატრი პრეზიდენტის ოფისიდან დაახლოებით ერთი კილომეტრითაა დაშორებული.
კომენტარები