რუსეთში მოსკოვის რეგიონში, 27 სექტემბრის ღამეს რუსეთის შეიარაღებული ძალების პოლკოვნიკი ალექსეი კოლომეიცევი მოკლეს, რომელიც რუსეთის თავდაცვის სამინისტროს უპილოტო ავიაციის 924-ე სახელმწიფო ცენტრს ხელმძღვანელობდა. ინფორმაციას უკრაინის სამხედრო დაზვერვის ინფორმირებულ წყაროებზე დაყრდნობით UNIAN-ი ავრცელებს.
გამოცემის ინფორმაციით, კოლომეიცევის ლიკვიდაცია იყო ადგილობრივი წინააღმდეგობის ანტიკრემლისტური მოძრაობის სპეცოპერაციის შედეგი უკრაინის თავდაცვის სამინისტროს მთავარ სადაზვერვო სამმართველოსთან კოორდინაციით.
კოლომეიცევი მონაწილეობდა უპილოტო საფრენი აპარატების გამოყენებაში რუსი სპეციალისტების წვრთნაში, კერძოდ “შაჰედის” ტიპის დრონების ოპერატორებისა და ტექნიკური პერსონალის მომზადებაში.
კომენტარები