18-მეტრიანი ავტობუსები ბუნებრივ აირზე მუშაობს და CO2 აირის მინიმალური ემისია ხდება, რაც ხელს უწყობს, რომ ქალაქში ნაკლები გამონაბოლქვი იყოს, – განაცხადა „დღის ქრონიკაში“ ჩართვისას თბილისის სატრანსპორტო კომპანიის გენერალურმა დირექტორმა, გიორგი შარკოვმა.
„18-მეტრიანი ავტობუსები თავისი გაბარიტითა და მგზავრთა ტევადობიდან გამომდინარე განკუთვნილია მაგისტრალური მარშრუტებისთვის. ასეთი 12-მდე მარშრუტია შერჩეული, რაც განსაზღვრულია სატრანსპორტო სტრატეგიით. ეტაპობრივად, როგორც კი 200 ავტობუსი სრულად შემოვა, ეს 18-მეტრიანი ავტობუსები გადანაწილდება ამ მარშრუტებზე, ხოლო გამოთავისუფლებული სხვა ავტობუსები ჩაეშვება ახალ მარშრუტებზე. ეს ეტაპობრივად გაწერილია და შესაბამისად, მერიის სამსახურების მიერ იქნება განსაზღვრული, დაგეგმილი და განხორციელებული“, – განაცხადა შარკოვმა.