ბელორუსის პრეზიდენტმა ალექსანდრე ლუკაშენკომ განაცხადა, რომ ის მზადაა უკრაინის ხელისუფლებას ომის შემდეგ ქვეყნის აღდგენაში დაეხმაროს. ინფორმაციას ბელორუსული მედია ავრცელებს.
„ის [ზელენსკი] არ მიდის მინსკში და მოსკოვში, რათა საბოლოოდ შეთანხმდეს და ეს ომი დაასრულოს. ის ფიქრობს, რომ ამერიკელები ომის მერე უკრაინას აღადგენენ, და ისინი ძლიერები და ბრძენები იქნებიან. არავინ მას არ აღადგენს“, – თქვა ლუკაშენკომ.
„ამიტომაც უკრაინის ხელმძღვანელობამ თავი ხელში უნდა აიყვანოს და მიხვდეს, რომ მათ მოუწევთ, პირველ რიგში, ქვეყნის აღდგენა მათთვის ახლო ადამიანების, ბელორუსების დახმარებით“, – დასძინა მან.
კომენტარები