“საზოგადოებისთვის გასაკვირი არ არის, რომ გახარია იმ ქარტიას და იმ ძირითად პრინციპებს უკვე უარყოფს და ემიჯნება, რომელსაც მისმა პარტიამ ხელი მოაწერა”

საზოგადოების უდიდესი ნაწილისთვის გასაკვირი არ არის, რომ [გიორგი გახარია] იმ ქარტიას და იმ ძირითად პრინციპებს უკვე უარყოფს და ემიჯნება, რომელსაც მისმა პარტიამ ხელი მოაწერა, – განაცხადა „ქართული ოცნების“ დეპუტატმა, გივი მიქანაძემ.

მისი თქმით, გახარია თავისი ჩვეული სტილით განაგრძობს პოზიციონირებას.

„მისთვის ჩვეული ტაქტიკით მოქმედებს ეს ადამიანი და მასთან დაკავშირებული გუნდი. ამ შეთანხმებას რეალურად არანაირი ძალა და პერსპექტივა არ აქვს.აბსოლუტურად დარწმუნებული ვარ, რომ საზოგადოების უდიდესი ნაწილისთვის არანაირად არ არის გასაკვირი, რომ ახლა ის ამ ქარტიას და იმ ძირითად პრინციპებს უკვე უარყოფს და ემიჯნება, რომელსაც მისმა პარტიამ ხელი მოაწერა“, – აცხადებს მიქანაძე.

სალომე ზურაბიშვილის ქარტიაზე ხელმოწერის შემდეგ გიორგი გახარია დოკუმენტს აკრიტიკებს და დასცინის. მეტიც, გახარია ამბობს, რომ მისთვის მიუღებელია პუნქტი, სადაც რიგგარეშე არჩევნებზეა საუბარი.