თურქეთში უკრაინის ელჩმა, ვასილ ბოდნარმა განაცხადა, რომ მიმდინარე წლის ბოლომდე უკრაინა ახალი სამშვიდობო სამიტის ორგანიზებას აპირებს და სურს, რომ რუსეთიც დაესწროს მას.
თუმცა, ელჩმა ასეთ შეხვედრაზე მოსკოვთან პირდაპირი ორმხრივი მოლაპარაკებების შესაძლებლობა გამორიცხა.
„ამ სამიტის ერთ-ერთი ყველაზე მნიშვნელოვანი მიზანი უკრაინაში სამართლიანი მშვიდობის მიღწევაა. ჩვენ არ ვსაუბრობთ ფორმატზე, რომელშიც უკრაინა და რუსეთი ერთმანეთის პირისპირ დგანან და უკრაინა უსმენს რუსეთის მოთხოვნებს“, – აღნიშნა ვასილ ბოდნარმა.
„საერთაშორისო თანამეგობრობა უკრაინასთან ერთად შეიმუშავებს ნაბიჯების სიას, რომლებიც შეიძლება გადაიდგას უკრაინაში სამართლიანი მშვიდობის მისაღწევად და განიხილავენ, თუ რა მოთხოვნები უნდა წაუყენონ რუსეთს ამ სიიდან გამომდინარე“, – დასძინა მან.
კომენტარები