ლიბანის სამხრეთით მიმდინარე სამხედრო ოპერაციისას ისრაელის თავდაცვის ძალების („ცაჰალის“) ერთი ჯარისკაცი დაიღუპა, ხოლო მეორე დაიჭრა. ინფორმაცია „ცაჰალის“ ტელეგრამ არხზეა გამოქვეყნებული.
„ცაჰალის“ ინფორმაციით, დაღუპულია 228 ბრიგადის 5030 ბატალიონის უფროსი სერჟანტი 36 წლის რონი განიზატი. ის ქალაქ გივატ-შმუელიდან იყო.
გარდა ამისა, ინციდენტის დროს ლიბანის სამხრეთში დაიჭრა ამავე ბატალიონის რეზერვისტი. მას რამდენიმე ჭრილობა აღენიშნებოდა. ჯარისკაცის ევაკუაცია სამედიცინო დაწესებულებაში მოხერხდა. ახლა მის ჯანმრთელობაზე ექიმები ზრუნავენ.
„ცაჰალი“ არ აკონკრეტებს, თუ რა ვითარებაში მოხდა ერთი სამხედროს დაღუპვა და მეორის დაჭრა. ორივე ჯარისკაცის ოჯახის წევრები ინფორმირებულნი არიან მომხდარის შესახებ.
კომენტარები