“ჩვენ სამთავრობო ვალის თვალსაზრისით გადავაჭარბეთ წელს იმ მონაცემს, რაც შევარდნაძემ დატოვა 2003 წელს. 2003 წელს მთლიან ეკონომიკასთან მიმართებით სამთავრობო ვალი იყო 43% და 2017 წელს ეს არის 44%”,- ამის შესახებ “ევროპული საქართველოს” წევრმა, ზურაბ ჭიაბერაშვილმა პარლამენტში სესიაზე სიტყვით გამოსვლისას განაცხადა.
“ჩვენ “ევროპულმა საქართველომ” შემოგთავაზეთ გამოსავალი პროგრამით, რომელიც ითვალისწინებს საგადასახადო შეღავათებს მცირე და საშუალო ბიზნესისთვის. ეს ითვალისწინებს საწვავზე, დიზელზე, ბენზინზე, გაზზე აქციზის განახევრებას, განაწილებული მოგების გადასახადის შემცირებას 10%-დან 15%-მდე, საშემოსავლო გადასახადის შემცირებას 20%-დან 15%-მდე. ყველაფერი ეს იქნება გამოსავალი იმიტომ, რომ სამუშაო ადგილებს ქმნის მცირე და საშუალო ბიზნესი. უმუშებრობა კი ერთ-ერთი ყველაზემწვავე პრობლემაა ჩვენთან. ეკონომიკურ ზრდას აჩქარებს გადასახადების დაწევა. სწრაფი ეკონომიკური ზრდა ეროვნული ვალუტის სიმყარის, უმუშევრობის დაძლევისა და სტაბილურობის გასაღებია.
მაგრამ თქვენ არ გინდათ გაიზიაროთ ჩვენი შემოტავაზებები არა მხოლოდ იმიტომ, რომ ოპოზიცია გტავაზობთ, არამედ იმიტომ, რომ გადასახადების დაწევას სჭირდება კიდევ ერთი რამ, ეს არის უაზრო, გაუმართლებელი სამთავრობო ხარჯების შეკვეცა, თქვენ კი არ გინდათ თქვენი კეთილდღეობა მოიკლოთ ხალხის კეთილდღეობის სასარგებლოდ”,- აღნიშნა ჭიაბერაშვილმა.