ემზარ კვიციანის განმარტებით, სამართლიანობის აღდგენას ხელისუფლების ნება სჭირდება.
“2017 წლის 24 თებერვალს ნორა კვიციანი სააპელაციო სასამართლომ გაამართლა. სცნო უდანაშაულოდ, ანუ 6 წლითა და 4 თვით ჰყავდათ ტყვეობაში. აი ამ ბატონებს, რომლებმაც შემოიყვანეს ჯარი რუსული სპეცსამსახურების დახმარებით და დღეს “ევროპული” დაირქვეს სახელად. გიორგი გვიჩიანი გვახსოვს, ისიც სასამართლომ გაათავისუფლა, გვახსოვს გირგვლიანის, ცინდელიანის საქმეები. უამრავი ადამიანი გამართლდა და კიდევ ბევრი გამართლდება.
არ არის საკმარისი ბატონებო, იმისთვის, რომ ამათი შემთითხვნელი პროკურორების შეთითხნილი საქმეები თავიდან გადაისინჯოს?! იქნებ, რაღაც კანონი მივიღოთ, რომ აღსდგეს ბოლოსდაბოლოს ეს სამართლიანობა. ვინ უნდა მოახდინოს ამ ადმიანების კომპენსირება?! სახელმწიფომ?! შერჩეთ ამათ თავიანთი ნამოქმედარი?! შერჩეთ ის მილიარდები, რაც წაიღეს საქართველოდან?! იქნებ, რამე ისეთი კანონი მივიღოთ, რომ თავად აგონ პასუხი. ვიცით, ვინც აცურავა ამდენი წელიწადი ქვეყანა სისხლში. ყველა თითს იშვერს ერთმანეთისკენ. ეს ყველაფერი საბოტაჟია იმისთვის, რომ ბიძინა ივანიშვილისკენ გაიშვიროს ყველამ თითი”,- განაცხადა კვიციანმა.