კომპანია SpaceX-ის დამფუძნებელმა, ილონ მასკმა განაცხადა, რომ არსებობს მიზანმიმართული მცდელობა, რომ ამერიკა გადაიქცეს ერთპარტიულ სახელმწიფოდ.
„ის, რაც ხდება ბაიდენისა და კამალას ადმინისტრაციის პირობებში, არის მიზანმიმართული მცდელობა, რომ რაც შეიძლება მეტი ადამიანი შემოიყვანონ „მერყევ“ შტატებში, როგორიცაა პენსილვანია, რათა უზრუნველყონ, რომ ამერიკა გახდეს ერთპარტიული სახელმწიფო“, – აღნიშნა ილონ მასკმა.
მისი თქმით, სტატისტიკა ცხადყოფს, რომ ზოგიერთ შემთხვევაში, ბოლო 3.5 წლის განმავლობაში, 700%-ით გაიზარდა არალეგალების რაოდენობა „მერყევ“ შტატებში.
„და როდესაც თქვენ საუბრობთ არჩევნებზე, რომლის მოგება ან წაგება ხდება 10,000 ან 20,000 ხმით, და შემდეგ შემოგყავთ 200,000 ადამიანი და მათ მოქალაქეობის სწრაფად მიღების გზაზე აყენებთ… ეს არის ის, რაც მოხდება მომდევნო ოთხი წლის განმავლობაში, არ იქნება „მერყევი“ შტატები. ეს არის ერთპარტიული მმართველობა. თუ თქვენ გაქვთ ერთპარტიული მმართველობა, ეს არ არის დემოკრატია“, – დასძინა მან.
