ნაძალადევის რაიონში საგზაო ინფრასტრუქტურული სამუშაოები გრძელდება.
გურამიშვილის N70-თან 2 000 კვ.მ ფართობზე ასფალტის საფარის მეორე ფენის დაგების სამუშაოები მიმდინარეობს. უკვე მოწესრიგდა ეზო და მოეწყო ბორდიურები.
მიმდინარე საგზაო ინფრასტრუქტურული სამუშაოები თბილისის მერის მოადგილე კახაბერ გულედანმა და ნაძალადევის რაიონის გამგებელმა ირაკლი ანდღულაძემ ადგილობრივ მოსახლეობასთან ერთად დაათვალიერეს.
,,ნაძალადევის რაიონში ვაგრძელებთ როგორც ცენტრალური, ასევე მეორეხარისხოვანი გზების კეთილმოწყობას. ამჯერად, საგზაო ინფრასტრუქტურული სამუშაოები გურამიშვილზე მიმდინარეობს. აღნიშნული პროექტის მიხედვით, ტერიტორია სრულად მოწესრიგდება, შედეგად, კი ადგილობრივ მცხოვრებლებს შესაძლებლობა ექნებათ კომფორტულად და უსაფრთხოდ გადაადგილდნენ“ – განაცხადა ირაკლი ანდღულაძემ.
პროექტს ნაძალადევის რაიონის გამგეობა აფინანსებს და მისი ღირებულება 210 000 ლარია.
