პრეზიდენტს არა აქვს პასუხისმგებლობა მთავრობის მუშაობაზე და პრეზიდენტი წარდგეს ანგარიშით და გარკვეული მიმართულებები მოგვცეს, არასერიოზულია, – განაცხადა პარლამენტის თავდაცვისა და უშიშროების კომიტეტის ხელმძღვანელმა ირაკლი სესიაშვილმა პრეზიდენტის სიტყვით გამოსვლის შემდეგ.
მისი თქმით, პრეზიდენტის უფლებამოსილება სცდება იმ სამუშაოს, რასაც ჰქვია ეროვნული უსაფრთხოების კონცეფციის ჩამოყალიბება, რადგან ეს არის მთავრობის პრეროგატივა.
„პრეზიდენტს არა აქვს პასუხისმგებლობა მთავრობის მუშაობაზე. პრეზიდენტი წარდგეს ანგარიშით და გარკვეული მიმართულებები მოგვცეს, არასერიოზულია. იგივე მინდა ვთქვა უსაფრთხოებასთან დაკავშირებით პრეზიდენტის ინიციატივებზე, იმიტომ, რომ პრეზიდენტის უფლებამოსილება სცდება იმ სამუშაოს, რასაც ჰქვია ეროვნული უსაფრთხოების კონცეფციის ჩამოყალიბება. ეს არის მთავრობის პრეროგატივა, იმიტომ, რომ მთავრობას პირდაპირი შეხება აქვს იმ უწყებებთან, რომლებიც განსაზღვრავენ საფრთხეებს და შესაბამისად, იმ გეგმებს, რითიც უნდა მოხდეს ამ საფრთხეების თავიდან დაძლევა“, – განაცხადა პარლამენტის თავდაცვისა და უშიშროების კომიტეტის ხელმძღვანელმა ირაკლი სესიაშვილმა.