მქონდა მოლოდინი, რომ რაღაც სიღრმისეული განხილვა იქნებოდა,– ამის შესახებ განცხადება განათლების მინისტრმა ალექსანდრე ჯეჯელავამ პარლამენტში პრეზიდენტის გამოსვლის შემდეგ გააკეთა.
მისი თქმით, საუბარი იმაზე რომ სასამართლოში არის კრიზისი, არასწორია.
,,ეს არის ტრადიციული გამოსვლა, რომელსაც მივესალმები. მქონდა მოლოდინი, რომ რაღაც სიღრმისეული განხილვა იქნებოდა. პრეზიდენტის გამოსვლაში აუცილებელია აღვნიშნო ის პოზიტივები, რომელიც ეკონომიკის, სოციალური და პოლიტიკური მიმართულებით იყო. თუმცა ზოგიერთი კრიტიკული შეფასება იყო სრულიად დაუსაბუთებელი. საუბარი იმაზე, რომ სასამართლოში არის კრიზისი, არის უსამართლო და არასწორი, განსაკუთრებით იმ პირობებში, როდესაც ყველა რეიტინგით, ყველა შეფასებით, ადმიანის უფლებების კუთხითაც და სოციალურითაც, მნიშვნელოვანი პროგრესი გვაქვს. ცოტა უფრო მეტს ველოდი პრეზიდენტის გამოსვლიდან“, – განაცხადა ალექსანდრე ჯეჯელავამ.