ირანში დააკავეს გოგონა, რომელმაც ჰიჯაბის იძულებით ტარების წინააღმდეგ პროტესტის ნიშნად გაშიშვლდა. აღნიშნულის შესახებ ინფორმაციას, Euronews ავრცელებს.
აღსანიშნავია, რომ ინციდენტი უნივერსიტეტის ტერიტორიაზე მოხდა. უფლებადამცველმა ორგანიზაცია Amnesty Iran სტუდენტის დაუყოვნებლივი და უპირობო გათავისუფლება მოითხოვა.
„ირანის ხელისუფლებამ დაუყოვნებლივ და უპირობოდ უნდა გაათავისუფლოს უნივერსიტეტის სტუდენტი, რომელიც იძულებით დააკავეს 2 ნოემბერს მას შემდეგ, რაც მან ტანსაცმელი გაიხადა თეირანის ისლამური აზადის უნივერსიტეტის დაცვის თანამშრომლების მიერ ჰიჯაბის ტარების სასტიკი იძულების შემდეგ“, – ნათქვამია განცხადებაში.
ორგანიზაციამ მოითხოვა ქალის დაცვა „წამებისა და სხვა არასათანადო მოპყრობისგან“ გათავისუფლებამდე და მოითხოვა, რომ მას ჰქონოდა წვდომა ოჯახსა და ადვოკატზე.
აღნიშნულია, რომ სტუდენტმა ტანისამოსი მას შემდეგ გაიხადა, რაც უნივერსიტეტის დაცვის თანამშრომლებმა ჰიჯაბის არასწორად ტარების გამო დაამცირეს.