ალეკო ელისაშვილის მიერ არჩევნებზე ხმის მიცემის ფარულობასთან დაკავშირებით სასამართლოს გადაწყვეტილების წინმსწრებად გახმაურება, მმართველ გუნდს იმის თქმის საშუალებას აძლევს, რომ ეს ნაბიჯი პოლიტიკური და ოპოზიციასთან შეთანხმებული იყო.
„ეს გადაწყვეტილება პოლიტიკური იყო. პოლიტიკოსებისთვის ამ გადაწყვეტილების შესახებ უკვე ცნობილი იყო, უბრალოდ ალეკო ელისაშვილს არ ეყო გამჭრიახობა, რომ დროზე ადრე ეს არ გამოეცხადებინა. პატარა ბავშვიც კი მიხვდება, რომ ამას ურთიერთბმა აქვს და მოსამართლე არ იყო დამოუკიდებელი ამ თავის გადაწყვეტილებაში, ის პოლიტიკური მოსაზრებებით და პოლიტიკოსებთან შეთანხმებით მოქმედებდა“, – მიიჩნევს პარლამენტის თავდაცვისა და უშიშროების საპარლამენტო კომიტეტის თავმჯდომარის პირველი მოადგილე თენგიზ შარმანაშვილი.
თეთრიწყაროს სასამართლომ ხმის ფარულობის დარღვევა დაადასტურა და მოსამართლე ვლადიმერ ხუჭუამ საია-ს სარჩელი დააკმაყოფილა. მოსამართლე ოპოზიციის აქტივისტის მეუღლეა.