გულთბილად ვულოცავ დონალდ ტრამპს შთამბეჭდავ გამარჯვებას, როგორც ამერიკის შეერთებული შტატების 47-ე პრეზიდენტს, – ამის შესახებ სომხეთის პრემიერ-მინისტრი ნიკოლ ფაშინიანი სოციალურ ქსელში წერს.
როგორც ფაშინიანი წერს, მოუთმენლად ელოდება ტრამპთან თანამშრომლობას.
„ბატონო არჩეულო პრეზიდენტო, მოუთმენლად ველოდები თქვენთან თანამშრომლობას, რათა ავაშენოთ სომხეთისა და აშშ-ის სტრატეგიული ორმხრივი ურთიერთობა, რომელიც დაფუძნებული იქნება ჩვენს საერთო ღირებულებებზე, პრიორიტეტებსა და ინტერესებზე“, – წერს ნიკოლ ფაშინიანი.
წინასწარი მონაცემებით, აშშ-ის საპრეზიდენტო არჩევნებში რესპუბლიკური პარტიის პრეზიდენტობის კანდიდატმა, დონალდ ტრამპმა გაიმარჯვა.
კომენტარები