რუსეთის სასამართლომ აღმკვეთი ღონისძიების სახით დაუსწრებლად პატიმრობა შეუფარდა სისხლის სამართლის საერთაშორისო სასამართლოს მოსამართლეს ჰაიკელ ბენ მაჰფუდს, რომელმაც რუსეთის თავდაცვის ყოფილი მინისტრის სერგეი შოიგუსა და რუსეთის შეიარაღებული ძალების გენშტაბის უფროსის ვალერი გერასიმოვის დაკავების ორდერი გასცა. ინფორმაციას რუსული მედია ავრცელებს.
ინფორმაციის თანახმად, სისხლის სამართლის საერთაშორისო სასამართლოს მოსამართლეზე საერთაშორისო ძებნაა გამოცხადებული.
ცნობისთვის, სისხლის სამართლის საერთაშორისო სასამართლომ შოიგუსა და გერასიმოვზე დაკავების ორდერი ივნისში გამოსცა. სასამართლო მიიჩნევს, რომ შოიგუ და გერასიმოვი პასუხისმგებელნი არიან სამხედრო დარტყმებზე უკრაინის ტერიტორიაზე მდებარე ობიექტებზე.
კომენტარები