“ ეს არ იქნება ამერიკელი ლიდერების გამარჯვება, თუ უკრაინა დამარცხდება და პუტინი მოიგებს ომს”

საგარეო პოლიტიკისა და უსაფრთხოების საკითხებში ევროკავშირის უმაღლესმა კომისარმა, ჟოზეფ ბორელმა განაცხადა, რომ რუსეთის გამარჯვება უკრაინის წინააღმდეგ ომში შეერთებული შტატების წარუმატებლობა იქნება. ინფორმაციას ამის შესახებ ფრანგული გამოცემა Le Monde-ი ავრცელებს.

„რა თქმა უნდა, ეს არ იქნება ამერიკელი ლიდერების გამარჯვება, თუ უკრაინა დამარცხდება და პუტინი მოიგებს ომს“, – აღნიშნა საგარეო პოლიტიკისა და უსაფრთხოების საკითხებში ევროკავშირის უმაღლესმა კომისარმა.

„მე ვერ ვიწინასწარმეტყველებ, როგორი იქნება შეერთებული შტატების პოზიცია, მაგრამ ერთ რამეს გეტყვით: ჩვენ უნდა გავექცეთ იმ ლოგიკას, რომლის მიხედვითაც, აშშ მოქმედებს, ხოლო ჩვენ, ევროპა, ვრეაგირებთ. ჩვენ უნდა გვქონდეს მოქმედების უნარი“, – დასძინა ჟოზეფ ბორელმა.