ნატოს გენერალურმა მდივანმა, მარკ რუტემ განაცხადა, რომ ნატომ მეტი მხარდაჭერა უნდა გაუწიოს უკრაინას კონფლიქტის ტრაექტორიის შესაცვლელად.
საფრანგეთის პრეზიდენტთან, ემანუელ მაკრონთან გამართულ ერთობლივ პრესკონფერენციაზე მარკ რუტემ აღნიშნა, რომ ნატოს მოკავშირეები მზად უნდა იყვნენ რუსეთის აგრესიის წინააღმდეგ ბრძოლაში უკრაინისათვის გრძელვადიან პერსპექტივაში მხარდაჭერის გაწევისთვის.
„დღეს, რა თქმა უნდა, ჩვენ განვიხილავთ მხარდაჭერის შენარჩუნების მნიშვნელობას მაშინ, როდესაც უკრაინელები ემზადებიან 2022 წლის შემდეგ ყველაზე რთული ზამთრისთვის. ჩვენ დავაფიქსიროთ ჩვენი ვალდებულება, დავრჩეთ ამ [უკრაინის მხარდაჭერის] კურსზე ხანგრძლივი დროის განმავლობაში. ჩვენ უნდა გავაკეთოთ მეტი, ვიდრე უბრალოდ [უბრალოდ] უკრაინის ბრძოლაში დარჩენა. ჩვენ უნდა გავზარდოთ საფასური პუტინისა და მისი ავტორიტარული მეგობრებისთვის უკრაინის მხარდაჭერით, რომელიც მას სჭირდება კონფლიქტის ტრაექტორიის შესაცვლელად“, – აღნიშნა ნატოს გენერალურმა მდივანმა.