ეკა ბესელია პრეზიდენტის ადმინისტრაციის უფროსის, გიორგი აბაშიშვილის განცხადებას გამოეხმაურა, რომლის მიხედვით, ტენდენციად იქცა პრეზიდენტისთვის რაღაცების გადაბრალება.
“როდესაც პარლამენტის თავმჯდომარე აკეთებს ასეთ განცხადებას პირდაპირ და მათ შორის პრეზიდენტის თანდასწრებით, თქვენ როგორ წარმოგიდგენიათ, რომ ეს არის სურვილისა და მოსაზრებების დონეზე გაკეთებული განცხადება?! მას რომ არ ჰქონდეს ინფორმაცია და სანდო წყაროზე დაყრდნობით მიღებული კონკრეტული გარემოებები, ასეთ განცხადებას გააკეთებდა?! მე არ მგონია.
დმაისახელეთ პარლამენტის უმრავლესობის გუნდზე უფრო მეტად გახსნილი სხვა რომელიმე პოლიტიკური ჯგუფი”,- განაცხადა ბესელიამ
ცნობისთვის, აბაშიშვილმა განცხადება ირაკლი კობახიძის ნათქვამთან დაკავშირებით გააკეთა, რომლის მიხედვით, პრეზიდენტი სხვადასხვა სუბიექტს მოუწოდებდა, დაეტოვებინათ სახელმწიფო საკონსტიტუციო კომისია.