საქართველოს პრემიერ-მინისტრი გიორგი კვირიკაშვილი, ზამთრის კურორტებით მოსარგებლე ბავშვების წილობრივი მაჩვენებელი უნდა გაიზარდოს, რათა მომავალი თაობა უფრო ჯანმრთელი იყოს. ამის შესახებ პრემიერ-მინისტრმა მტავრობის სხდომაზე განაცხადა.
“რაოდენ სასიხარულოა, რომ განათლების სამინისტროს თაოსნობით და სპორტისა და ეკონომიკის სამინისტროების თანამონაწილეობით 600-მდე მოსწავლემ, რომლებიც წარმოადგენენ ძირითადად სოფლის მცირე სკოლებს, სადაც 30-მდე მოსწავლე სწავლობს, წელს არდადეგები გაატარა ბაკურიანში.
ესენი არიან უმატესად ის ადამიანები, რომლებიც როგორც წესი ვერ მიემგზავრებიან ხოლმე ზამთრის კურორტებზე. ჩვენ, ამ მიმართულებით კიდევ უფრო გავაქტიურდებით. ის სიკეთე, რომელსაც ზამთრის კურორტებზე ჩადებული ინვესტიციებით ვიღებ, ხელმისაწვდომი უნდა იყოს ჩვენი ბავშცვებისთვის. გვინდა, რომ მაჩვენებელი საქართველოს ახალგაზრობაში, ბავშვებში ზამთრის კურორტებით მოსარგებლეთა წილობრივი მაჩვენებელი გაიზარდოს იმისთვის, რომ გავაჯანმრთელოთ მომავალი თაობა. ისინი გაიზრდებიან იმ სიკეთის მომხმარებლებად, რასაც ზამთრის კურორტი ჰქვია”,- აღნიშნა პრემიერმა.
განათლების მინისტრის ინფორმაციით, ამ არდადეგებზე ზამთრის კურორტებზე დაახლოებით 10 000 ბავშვი იყო.