უკრაინაში ომში, სულ მცირე, 100 ჩრდილოკორეელი ჯარისკაცი დაიღუპა.
ამის შესახებ ინფორმაციას „ბიბისი“ ავრცელებს.
სამხრეთ კორეელი პარლამენტარი ლი სუნგ-კვონი ქვეყნის ეროვნული დაზვერვის სამსახურის მონაცემებზე დაყრდნობით აცხადებს, რომ კიდევ 1000 სამხედროა დაშავებული.
მისი თქმით, დანაკარგებს შორის არიან მაღალი რანგის სამხედროები.
მისი თქმით, მსხვერპლის მაღალი მაჩვენებელი შეიძლება აიხსნას იმით, რომ ჩრდილოეთ კორეელმა სამხედროები არ ფლობენ საბრძოლო გარემოს, რაც მათთვის უცხოა, ასევე მათი უუნარობით, გაუმკლავდნენ დრონებით თავდასხმას.
სამხრეთ კორეელი პარლამენტარის თქმით, არსებობს ცნობები დამატებითი სამხედროების განთავსებისთვის მზადების შესახებ და, რომ წვრთნებს ჩრდილოეთ კორეის ლიდერი კიმ ჩენ ინი ზედამხედველობდეს.
ჯერ კიდევ 16 დეკემბერს პენტაგონში აცხადებდნენ, რომ გარკვეული რაოდენობა ჩრდილოკორეელი ჯარისკაცების დაიღუპა უკრაინაში, რუსეთის მხარეს ბრძოლაში, თუმცა რაოდენობა არ დაუსახელებიათ.