გრენლანდია ეკუთვნის გრენლანდიელებს და არ იყიდება, – ასე გამოეხმაურა დანიის ავტონომიური ტერიტორიის, გრენლანდიის პრემიერ-მინისტრი მუტე ეგედე აშშ-ის არჩეული პრეზიდენტის, დონალდ ტრამპის სურვილს, გრენლანდიის ყიდვის შესახებ.
„გრენლანდია ჩვენია. ჩვენ არ ვიყიდებით და არც არასდროს გავიყიდებით. თავისუფლებისთვის ჩვენს ხანგრძლივ ბრძოლაში არ დავმარცხდებით“, განაცხადა გრენლანდიის პრემიერ-მინისტრმა.
შეგახსენებთ, დონალდ ტრამპმა გრენლანდიის ყიდვის სურვილი რამდენიმე დღის წინ გამოთქვა. დონალდ ტრამპის თქმით, „მსოფლიოში ეროვნული უსაფრთხოებისა და თავისუფლების მიზნით, ამერიკის შეერთებულ შტატებს მიაჩნია, რომ გრენლანდიის მფლობელობის და კონტროლს აბსოლუტური საჭიროებაა“.
დონალდ ტრამპმა გრენლანდიის შესყიდვის საკითხი პრეზიდენტობის პირველი ვადის დროსაც გამოთქვა, რაზეც დანიისგან მტკიცე უარი მიიღო, საპასუხოდ კი ტრამპმა დანიაში დაგეგმილი სახელმწიფო ვიზიტი გააუქმა.
ამავე დროს, შეერთებულ შტატებში გრენლანდიის ყიდვის სურვილი პირველად 1867 წელს გაჩნდა.