მიხეილ ყაველაშვილს, როგორც ღირსეულ კაცსა და ქართველს, აკისრია დიდი მისია, რომ საქართველოს პრეზიდენტის ინსტიტუტს ღირსება დაუბრუნოს, – განაცხადა იურიდიულ საკითხთა საპარლამენტო კომიტეტის თავმჯდომარემ, არჩილ გორდულაძემ პრეზიდენტის ინაუგურაციაზე საუბრისას.
მისივე თქმით, პარლამენტის სხდომათა დარბაზში ხვალ პრეზიდენტის ინაუგურაციას სიმბოლური დატვირთვა აქვს.
„საპარლამენტო ქვეყანაში სიმბოლიზმიდან გამომდინარე, პრეზიდენტი თავის ფიცს ქართველი ხალხისა და ღვთის წინაშე, კონსტიტუციისა და ბიბლიის გამოყენებით დადებთ ფიცს.
ამ ადამიანს, რომელიც დგას უმძიმესი გამოწვევის წინაშე, როგორც ღირსეულ კაცსა და ქართველს, აკისრია დიდი მისია, რომ საქართველოს პრეზიდენტის ინსტიტუტს ღირსება დაუბრუნოს, ის ღირსება, რომელიც ასე აყრილი ჰქონდა სხვადასხვა პრეზიდენტის დროს და რაც გრძელდება ჯერ კიდევ ერთ დღე დარჩენილ სალომე ზურაბიშვილის ფარგლებშიც“, – განაცხადა გორდულაძემ.