გერმანიის მოქალაქეები პიროტექნიკის აკრძალვას ითხოვენ. ქვეყნის პოლიციელთა პროფკავშირების პეტიციას ხელი უკვე მილიონ 400 ათასზე მეტმა მოქალაქემ მოაწერა.
განცხადებაში ნათქვამია, რომ ახალი წლის ღამეს სამართალდამცველების წინააღმდეგ პიროტექნიკა იარაღად იქნა გამოყენებული, ქვეყნის მასშტაბით პოლიციას, მაშველებსა და მეხანძრეებს სხვადასხვა სახის პიროტექნიკა ესროლეს.
გერმანიის პოლიციელთა პროფკავშირები მთავრობას მოუწოდებს გაითვალისწინოს ბევრ ქვეყანაში არსებული შეზღუდვა და აკრძალოს კერძო პირების მიერ პიროტექნიკის გამოყენება. ამასთან, აკრძალონ მათი გაყიდვაც იმ პირებზე, რომელთაც პიროტექნიკასთან პროფესიული შეხება არ აქვთ.
ცნობისთვის, გერმანიაში ახალი წლის ღამეს ფეიერვერკებით თავდასხმის გამო ხუთი ადამიანი დაუღუპა, ასობით დაშავდა, ოცდაათზე მეტმა პოლიციელმა დაზიანებები მიიღო, არეულობისას დააკავეს ოთხასამდე ადამიანი.