99 მომხრე 16 წინააღმდეგი – პარლამენტის დღევანდელი სხდომა დახურულად გამოცხადდა, შესაბამისად სახელმწიფო უსაფრთხოების სამსახურის უფროსის მოსმენა დახურულ ფორმატში გრძელდება.
„უმცირესობის თხოვნის შესაბამისად შეგვიძლია გამოვაცხადოთ 15 წუთიანი შესვენება. შემდეგ გთავაზობთ, რომ არ ვისარგებლოთ სტანდარტული შესვენებით 3-დან 4 საათამდე, განვაგრძოთ მუშაობა კითხვების რეჟიმით და კითხვების დასმის შემდეგ გავიდეთ შესვენებაზე ერთი საათით“ – მიმართა დეპუტატებს პარლამენტის თავმჯდომარემ ირაკლი კობახიძემ.
შეგახსენებთ, რომ პარლამენტში სახელმწიფო უსაფრთხოების სამსახურის ხელმძღვანელმა ვახტან გომელაურმა დეპუტატებს სუს-ის მიერ გაწეული საქმიანობის ყოველწლიური ანგარიში გააცნო.
კომენტარები