“მიხეილ სააკაშვილმა მიიღო ზომები და თავის დროზე გააუქმა მუხლი სამშობლოს ღალატის შესახებ”

მან [მიხეილ სააკაშვილმა] მიიღო ზომები და თავის დროზე გააუქმა მუხლი სამშობლოს ღალატის შესახებ, ვინაიდან ზუსტად იცოდა, რომ მისი ხელისუფლების არ ყოფნის შემდგომ, ამ მუხლით მოუწევდათ მას და მის ელიტას გასამართლება, – განაცხადა „ერთიანი ნეიტრალური საქართველოს“ ერთ-ერთმა დამფუძნებელმა ნანა კაკაბაძემ.

„ეს იყო თავდაცვის და დაზღვევის მექანიზმი, მაგრამ ჩვენ ვრჩებით იმ რეალობის წინაშე, რომ ქვეყანაში მიდის სერიოზული დაზიანება და ეს დაზიანება ხდება გარე ძალების ჩარევით ქართულ პოლიტიკაში. ამიტომ ერთადერთი მუხლი, რითაც დღეს შეიძლება ამ ყველაფრის აღკვეთა საქართველოს წინააღმდეგ ეს არის ჯაშუშობა. საქართველოს წინააღმდეგ ჩადენილი დანაშაული“, – აღნიშნა ნანა კაკაბაძემ.