ადა მარშანია – დეპუტატები ზრდასრული ადამიანები არიან და ძალიან კარგად იქცევიან

გუშინ ემზარ კვიციანის განცხადებები იყო ადეკვატური. ბოკერიას ჰქონდა უმსგავსო რეაქცია ამაზე, – ამის შესახებ განცხადება ,,პატრიოტთა ალიანსის“ წევრმა ადა მარშანიამ გუშინ პარლამენტში დეპუტატებს შორის მომხდარ დაპირისპირებასთან დაკავშირებით გააკეთა.
მარშანიას თქმით, დაპირისპირება პარლამენტში ისევ განმეორდება.
,,თავის დროზე, ,,ნაციონალური მოძრაობის“ წევრები ხელისუფლებაში მოვიდნენ და შემდეგ პარლამენტში დასკუპდნენ. ამ დანაშაულებრივი ორგანიზაციისთვის დღევანდელ ხელისუფლებას უნდა მოევლო. ხელისუფლებას პოლიტიკური შეფასება უნდა მიეცა იმ ცხრაწლიანი პერიოდისთვის, რაც ქვეყანაში მაშინ ხდებოდა. ,,ნაციონალური მოძრაობა“ კი არ უნდა ყოფილიყო პოლიტიკურ ველზე, მათი ლიდერები და მეთაურები სისხლის სამართლის პასუხისმგებაში უნდა მიეცათ და შესაბამისად, ქვეყანაში ადეკვატური სიტუაცია იქნებოდა. გუშინ პარლამენტში რაც მოხდა, ეს განმეორდება. არ არის საჭირო ქცევის კოდექსის მიღება. დეპუტატები ზრდასრული ადამიანები არიან და ძალიან კარგად იქცევიან. გუშინ ემზარ კვციანის განცხადებები იყო ადეკვატური. ბოკერიას ჰქონდა უმსგავსო რეაქცია ამაზე“, – განაცხადა ადა მარშანიამ.
გუშინ პარლამენტის პლენარულ სხდომაზე დეპუტატებს ემზარ კვიციანსა და გიგა ბოკერიას შორის სიტყვიერი დაპირისპირება მოხდა.