უკრაინაში ომი არის დასასრულებელი, ძალიან საინტერესოა როგორი ურთიერთობა ჩამოყალიბდება ამერიკასა და რუსეთს შორის და ამერიკას და ჩინეთს შორის. ევროკავშირს და ამერიკას შორის რომ ცოტა დაიძაბა ურთიერთობა ამას ყველა კარგად ვხედავთ, – განაცხადა ფრაქცია „ქართული ოცნების“ თავმჯდომარის მოადგილემ, ლევან მაჭავარიანმა გადაცემაში „იმედი LIVE“.
„ბატონი ილონ მასკი ერთ-ერთი დასაყრდენია ტრამპის ადმინისტრაციაში და იგი რასაც საუბრობს და ტვიტავს, ნაკლებად სავარაუდოა, რომ ტრამპთან ეს ყველაფერი არ ჰქონდეს გავლილი და შეთანხმებული. პირდაპირ ადანაშაულებს დასავლეთ ევროპას დემოკრატიის უკუსვლაში, რაშიც ჩვენ გვადანაშაულებდნენ ამდენი ხანი აბსოლუტურად უაპელაციოდ.
შემდეგ იქ ევროპელი ლიდერები გამოვიდნენ და თქვეს ბატონი მასკი საფრთხეა ევროპული დემოკრატიისთვისო, რასაც პირდაპირ უპასუხა, რომ მე კი არ ვარ საფრთხე, ბატონი ჯორჯ სოროსი არის საფრთხე ევროპული დემოკრატიისთვისო. შემდეგ ეს უკვე დაადასტურა იტალიის პრემიერ-მინისტრმა და ა.შ.
ასევე ბატონი ტრამპი იმასთან დაკავშირებითაც საუბრობს, რომ ნატოში, როდესაც ევროკავშირის ქვეყნები იხდიან თავიანთი ეკონომიკის 2% იმისთვის, რომ ნატოს წევრები იყვნენ, გაუძვირებს და მინიმუმ 5%-ზე არის საუბარი, შესაბამისად ამ მოვლენების განვითარებასაც უნდა ველოდოთ. ძალიან რთული პროცესები იწყება, მსოფლიოს დღის წესრიგის ჩამოყალიბება ხდება 2025 წელს, ასეთი რთული წელი ჩემი აზრით მეორე მსოფლიო ომის მერე არ ყოფილა. ძალია ბევრი კონტური გამოიკვეთება უკვე წლის დასაწყისშივე“, – აღნიშნა ლევან მაჭავარიანმა.
