ემანუელ მაკრონმა ევროპელებს მოუწოდა, თავიანთი როლი შეასრულონ ძლიერი და ერთიანი ევროპის შექმნაში, რომელმაც იცის როგორ დაიცვას თავისი ინტერესები დონალდ ტრამპის ამერიკის წინაშე. ინფორმაციას ამის შესახებ ფრანგული მედია ავრცელებს.
„ახლა, როდესაც ახალმა ადმინისტრაციამ შეერთებულ შტატებში მოვალეობების შესრულება დაიწყო, ევროპელებისთვის და, შესაბამისად, ჩვენი ორი ქვეყნისთვის, უფრო მნიშვნელოვანია, ვიდრე ოდესმე, ჩვენი როლი შევასრულოთ ერთიანი, ძლიერი და სუვერენული ევროპის კონსოლიდაციაში“, – აღნიშნა მაკრონმა გერმანიის კანცლერთან, ოლაფ შოლცთან გამართულ პრესკონფერენციაზე.
საფრანგეთის ლიდერმა ხაზგასმით აღნიშნა, რომ მეტი ინვესტიცია უნდა ჩაიდოს ევროპის თავდაცვაში.
კომენტარები