აშშ-ის ახალი სახელმწიფო მდივანი მარკო რუბიო თავის პირველ ვიზიტს ლათინურ ამერიკაში, კერძოდ, პანამაში განახორციელებს. ინფორმაციას Bloomberg-ი საკუთარ წყაროზე დაყრდნობით ავრცელებს.
სააგენტოს ცნობით, რუბიოს ვიზიტი პანამაში მეტყველებს იმაზე, რომ აშშ-ის პრეზიდენტი დონალდ ტრამპი პანამის არხის საკითხს სერიოზულად უყურებს.
გარდა პანამისა რუბიო აპირებს ჩავიდეს გვატემალაში, სალვადორსა და კოსტა-რიკაში. აშშ-ის სახელმწიფო მდივნის პირველი ვიზიტი ცენტრალური ამერიკის ქვეყნებში აგრეთვე მეტყველებს იმაზე, რომ ტრამპი არალეგალურ მიგრაციასთან სერიოზულ ბრძოლას აპირებს.
Bloomberg-ი იუწყება, რომ, როგორც წესი, აშშ-ის სახელმწიფო მდივნები პირველ ვიზიტებს გეოპოლიტიკურ მოკავშირეებთან აწყობენ. ასე მაგალითად, ენტონი ბლინკენი და რექს ტილერსონი თანამდებობაზე დანიშვნის შემდეგ იაპონიასა და გერმანიას ეწვივნენ.