პოლონეთის სამხრეთით მდებარე ქვანახშირის მაღაროში გაჩენილი ხანძრის შედეგად ერთი ადამიანი გარდაიცვალა და რამდენიმე დაშავდა. ინფორმაციას Associated Press-ი ავრცელებს.
ინციდენტი კნუროვ-შჩიგლოვიცეს მაღაროში მოხდა. 850 მეტრის სიღრმეზე მეთანს ცეცხლი მოეკიდა. ინციდენტის შედეგად ცხრა ადამიანმა დამწვრობა მიიღო. ისინი საავადმყოფოში გადაიყვანეს.
მოგვიანებით ერთ-ერთი დაშავებული საავადმყოფოში გარდაიცვალა. სამართალდამცველები მომხდარის მიზეზებს სწავლობენ.
კომენტარები