თურქეთმა და სირიამ 13-წლიანი პაუზის შემდეგ ქვეყნებს შორის პირდაპირი კომერციული ავიამიმოსვლა განაახლეს. ინფორმაციას Associated Press-ი ავრცელებს.
პირველი რეისი სტამბოლიდან დამასკოში ავიაკომპანია Turkish Airlines-მა შეასრულა. მანამდე გავრცელდა კადრები, სადაც ჩანს, თუ როგორ მღეროდნენ სირიელები ეროვნულ სიმღერებს და თვითმფრინავში ჩასასხდომად ემზადებოდნენ, რომელიც დამასკოში უნდა გაფრენილიყო.
„მომენატრა სირია და მიხარია, რომ შინ ვბრუნდები“, – ციტირებს სააგენტო ერთ-ერთ სირიელ მგზავრს.
მეორე მგზავრმა, თავის მხრივ, იმედი გამოთქვა, რომ პირველად ნახავს საკუთარ სახლს მას შემდეგ, რაც მრავალი წლის წინ სირია დატოვა.
როგორ Associated Press-ი აღნიშნავს, იანვრის დასაწყისში სირიიდან პრეზიდენტ ბაშარ ასადის გაქცევის შემდეგ დამასკოში იორდანიიდან პირველი საერთაშორისო ფრენა განხორციელდა.